Ni 7.3.2022 (Thawhtanni) khan Information & Communication Technology (ICT) Department chuan Govt T. Romana College ah Computer training na atan a hman turin Computer set 10 an pe. He training center ah hian NIELIT in CCC course an kalpui mek a, College student te bakah a chheh vel veng mi te tam zawk ten an hman tangkai leh zualna turin Computer set hi pek an ni.

Computer set hlanna programme ah hian Pu Lalramsanga Sailo, Secretary, ICT Department  chu Chief Guest a ni a, Secretary chuan College NIELIT centre thuam chakna hi  thalaite zinga IT literacy  lama hmasawnna leh Mizorama 'digital divide' tih tlemna kawnga pawimawh tak a ni dawn a ni a ti. Dr Lalchhuanmawia, Chairman EK Cell, Govt. T. Romana College in programme a  kaihruai a, Pu Vanlalringa, Senior Informatics Officer, ICT Department in Technical Report a pe. NIELIT Center hmalak tawhna te ngaihthlak a ni bawk.  Dr. Jenifer Lalbiakdiki, Principal Govt. T. Romana College in lawmthu sawina in hun a khar a ni.