Ni 2 December, 2021 khan Chanmari YMA Hall-ah Mizorama Common Service Center te chuan Independence Day Vawi 75-na lawm nan programme an buatsaih a; Pu Lalramsanga Sailo, IRS, Secretary ICT Department chu khuallian a ni. 

He Programme hi session hnih (2) a then a niin Session khatna (chawhma)-ah tun kum chhunga Village Level Entrepreneur (VLE) ti thate chawimawina hun hman niin, chawhnu lamah Training hun hman a ni bawk.

Session khatnaah hian Pu Lalduhkima, State Manager-in CSC Report tlangpui a pek hnuah Chief Guest-in VLE transaction ngahte Award hlanna hun a hmang a. Lawmman dawngtu VLE ti thate chu:

 Chief Guest hian, “CSC te hi mipuite tana sawrkar tha tichaktu an niin, Central sawrkar pawhin a ngaipawimawh hle a ni,” a ti a. Chief Guest hian chawimawina dawngte a lawmpui bakah fuihna thu tha tak tak a sawi bawk a ni. He program-ah hian Dr. Lalthlamuana CIO, ICT Department pawhin CSC te fuihna thu tha tak a sawi bawk a. Anni bakah hian Pu Lalrinmawia , President , Mizoram CSC Association; Pu Hmingthanga Kipgen, Vice Chairman, Aizawl CSC Society leh VLE te hnen atangin CSC chungchangte ngaihthlak a ni bawk. Chawhnu Session hi CSC-VLE te Training-na hun atan hman a ni a, CSC-ten an tangkaipui tur service hrang hrang - e-shram, Insurance, Banking, Digipay, PMGDISHA, Tele-Law leh Estore-ah te Resource Person-ten training an pe a ni.

Mizoramah November, 2021 thlengin CSC 781 an awm tawh a ni. CSC-ten anmahni awmna khua leh vengah service hrang hrang, a mamawhtu mipuite hnenah an pe a, service-te hi hlawm lian deuh deuhah then a ni a, chungte chu:

1. Government to citizen
2. Business to citizen
3. Banking service
4. Insurance service
5. Health service
6. Agriculture service
7. Education service

Heng service hnuaiah hian service 100 chuang CSC-ten an pe chhuak mek a. Kumin 2021 January – November thleng a Mizoram CSC-ten transaction an tih dan chu a hetiang hi a ni: